«Construir la Svizra» - La SRG SSR e la SIA preschentan cultura architectonica contemporana

Architects ed inschigners marcan cun lur construcziuns essenzialmain noss ambient da viver. Cun la retscha da films curts «Construir la Svizra» che vegn emessa en la televisiun preschentan la SRG SSR e la SIA 13 ovras da construcziun da l'inschigneria ed architectura svizra contemporana che represchentan in'utilisaziun premurusa da l'ambient e sa distinguan tras soluziuns exemplaricas.